मध्यपुर अस्पतालमा सुत्केरी महिलाको मृत्यु

भक्तपुर : भक्तपुरको मध्यपुर थिमीस्थित मध्यपुर अस्पतालमा उपचारका क्रममा एक सुत्केरी महिलाको मृत्यु भएको छ ।

दिक्तेल रुपाकोट मझुवागढी–१५, विजयखर्क घर भई हाल चाँगुनारायण नगरपालिका, ताथली बस्दै आएकी ३५ वर्षीया तारा घिमिरे बास्तोलाको मध्यपुर अस्पतालमा उपचारका क्रममा मृत्यु भएको हो । उपचारका क्रममा सुत्केरी महिलाको मृत्यु पछि मध्यपुर अस्पताल दिनभर तनावग्रस्त रहेको थियो ।