सन्दीप लामिछाने बने विकेटको शतक पूरा गर्ने दोस्रो खेलाडी
दैनिक हब
४ असार २०८१, सोमबार ०६:५६
काठमाडौँ – सन्दीप लामिछानेले टी–२० क्रिकेटमा शतक विकेट पूरा गर्ने दोस्रो खेलाडी बनेका छन् ।
टी–२० क्रिकेट विश्वकपअन्तर्गत बंगलादेशविरुद्ध शनिबार भएको खेलमा २ विकेट लिएपछि नेपालका बलर सन्दीप लामिछानेले सो सफलता हासिल गरेका हुन् ।
टी–२० मा सबैभन्दा छिटो विकेटको शतक बनाउने कीर्तिमान अफगानिस्तानमा राशिद खानको नाममा छ । उनले ५३ खेलमा १०० विकेट पूरा गरेका थिए ।
लेग स्पिनर सन्दीपले ५४ खेलमा विकेटको शतक पूरा गरेका हुन् ।
