कोरोना संक्रमण: विश्वभर १ करोड़ ८२ लाख संक्रमित, ६ लाख ९२ हजारको मृत्यु
काठमाडौं, १९ श्रावण – कोरोना भाइरस (कोभिड-१९) को संक्रमणबाट विश्वभर १ करोड़ ८२ लाख २० हजार ९८९ जना संक्रमित भएका छन् भने ६ लाख ९२ हजार ३६५ जनाको मृत्यु भएको छ ।
वर्ल्डओमिटरका अनुसार उपचार गराइरहेका ६० लाख ९१ हजार ९०० जना मध्ये ६५ हजार ८०४ जनाको स्वास्थ्य अवस्था जटिल रहेको छ भने १ करोड़ १४ लाख ३६ हजार ७२४ जना उपचार पछि निको भएर घर फर्केका छन् ।
संयुक्त राज्य अमेरिकामा ४८ लाख १३ हजार ६४० जनामा कोरोनाको सङ्क्रमण पुष्टि भएको छ भने १ लाख ५८ हजार ३४७ भन्दा धेरैको ज्यान गएको छ ।
ब्राजिलमा कोरोना संक्रमितको संख्या २७ लाख ३३ हजार ६७७ पुगेको छ भने ९४ हजार १३० भन्दा बढिको मृत्यु भइसकेको छ ।
छिमेकी मुलुक भारतमा १८ लाख ४ हजार ७०२ जनामा कोरोना भाइरसको संक्रमण पुष्टि भएको छ भने मृत्यु हुनेहरुको संख्या ३८ हजार १६१ पुगेको छ ।
रसियामा कोरोनाबाट संक्रमित हुनेको संख्या ८ लाख ५० हजार ८७० पुगेको छ भने मृत्यु हुनेको संख्या १४ हजार १२८ पुगेको छ ।
साउथ अफ्रीकामा ५ लाख ११ हजार ४८५ जनामा कोरोना भाइरसको सङ्क्रमण पुष्टि भएको छ भने ८ हजार ३६६ जनाको मृत्यु भइसकेको छ ।
मेक्सिकोमा कोरोना संक्रमितको संख्या ४ लाख ३४ हजार १९३ पुगेको छ । त्यहाँ ४७ हजार ४७२ भन्दा बढिको मृत्यु भएको जनाएको छ ।
पेरुमा कोरोनाबाट संक्रमित हुनेको संख्या ४ लाख २८ हजार ८५० जना पुगेको छ । त्यहाँ १९ हजार ६१४ भन्दा बढिको मृत्यु भइसकेको छ ।
त्यस्तै चिलीमा हालसम्म कोरोना संक्रमितको संख्या ३ लाख ५९ हजार ७३१ पुगेको छ भने मृत्यु हुनेहरुको संख्या ९ हजार ६०८ पुगेको छ ।